Álem chempıonaty: jartylaı fınalǵa shyqqan boksshylarymyzdyń qarsylastary anyqtaldy
ASTANA. 24 qazan. QazAqparat - Bokstan álem chempıonatynyń jartylaı fınalyna segiz qazaqstandyq shyqty. Ereje boıynsha jartylaı fınalǵa shyqqan boksshy kem degende qola medal alady. Osy erejege súıensek, qazirdiń ózinde Qazaqstan quramasynda segiz júlde bar.
Birjan Jaqyptyń (49 keli) jartylaı fınaldaǵy qarsylasy - Iosbanı Veıtıa Soto (Kýba).
Qaırat Eralıev (56 keli) jartylaı fınalda Djavıd Shalabıevpen (Ázerbaıjan) kezdesedi.
Berik Ábdirahmanov (60 keli) fınalǵa shyǵý úshin Lazaro Estradany (Kýba) utýy kerek.
Mereı Aqshalovtyń (64 keli) kelesi qarsylasy 2011 jylǵy álem chempıony Everton Lopes (Brazılııa) bolmaq.
Danııar Eleýsinovtyń (69 keli) kelesi qarsylasy - Arajık Marıtjan (Germanııa).
Jánibek Álimhanuly (75 keli) fınalǵa shyǵý úshin Antonı Poýlerdi (Anglııa) jeńýi tıis.
Ádilbek Nııazymbetovtyń (81 keli) jartylaı fınaldaǵy qarsylasy - Oıbek Mamazýlýnov (Ózbekstan).
Ivan Dychko (91 keliden joǵary) endi Erık Pfeıfermen (Ázerbaıjan) bokstasady.
Qazaqstan quramasy álem chempıonatyna barlyq salmaq dárejesi boıynsha qatysyp jatyr. Bul týraly alaman.kz habarlady.
