Álem chempıonaty: jartylaı fınalǵa qazaqstandyq úshinshi boksshy shyqty
ASTANA. QazAqparat – Úndistannyń Nıý-Delı qalasynda ótip jatqan bokstan áıelder arasyndaǵy álem chempıonatynyń shırek fınalynda qazaqstandyq Farıza Sholtaı jeńiske jetti, dep habarlaıdy QazAqparat tilshisi.
El quramasynan Farıza Sholtaı (81 keli) shırek fınalda kenııalyq Elızabet Adıambo Andıegomen kezdesti. Jekpe-jek barysynda qazaqstandyq boksshy senimdi oıyn kórsetti. Nátıjesinde qarsylasyn tize búktirdi. Osylaısha, jartylaı fınalǵa shyqty.
Sondaı-aq, el quramasynan toǵyz boksshy shırek fınalda saıysqa túsýge múmkindik alǵan edi.
Qazirge deıin el quramasynan Alýa Balqybekova (48 keli) jartylaı fınalǵa shyqty.
Sondaı-aq, Karına Ibragımova (57 keli) jarysty jalǵastyrady.
Al, Mádına Nurshaeva (70 kg) brazılııalyq Barbara dos Santosqa jol berip qoıdy.
