Álem chempıonaty: Jámıla Baqbergenova áıelder kúresinen fınalǵa joldama aldy
NUR-SULTAN. QazAqparat - Serbııa astanasy Belgrad qalasynda ótip jatqan kúres túrlerinen álem chempıonatynda búgin, 14 qyrkúıekte Jámıla Baqbergenova áıelder kúresinen fınalǵa joldama aldy, dep habarlaıdy QazAqparat tilshisi.
Dúbirli dodada 72 keli salmaqta baq synaǵan Jámıla rýmynııalyq Aleksandra Angelmen sheberlik baıqasty.
Nátıjesinde qarsylasyn 12:2 esebimen jeńip, fınalǵa joldama aldy.
Ol shırek fınalda ózbekstandyq Svetlana Oknazarovany aıqyn basymdyqpen jeńgen bolatyn.
Jámıla Baqbergenova 1996 jyly 6 qańtarda dúnıege kelgen. Eresekter arasynda 2021 jyly Norvegııa astanasy Oslo qalasynda ótken álem chempıonatynda kúmis júldeger atanǵan bolatyn.
Aıta ketsek, búgin elimizdiń qurama sapynan Emma Tısına (57 keli), Dıana Kaıýmova (59 keli), Mádına Baqbergenova (68 keli) boz kilemge shyǵyp, qarsylastaryna ese jiberip qoıdy.
Eske salsaq, budan buryn grek-rım kúresinen qazaqstandyq Aıdos Sultanǵalı ekinshi márte qola júldeger atandy.
