Álem chempıonaty: Tórtinshi altyndy Frantsııa boksshysy jeńip aldy
ASTANA. QazAqparat - Bokstan Germanııanyń Gambýrg qalasynda ótip jatqan álem chempıonatynyń tórtinshi altynyn Frantsııa boksshysy jeńip aldy, dep habarlaıdy QazAqparat tilshisi.
Tórtinshi altynǵa talasqan 60 keli salmaqta kýbalyq Lazaro Alvares pen frantsııalyq Sofıan Ýmıa talasqan bolatyn. Asa tartysty ótken aıqastyń qorytyndysy boıynsha tóreshiler bir aýyzdan frantsııalyq Sofıan Ýmıany jeńimpaz dep tapty.
Aıta keteıik 49 jáne 52 keli salmaqtyń altyny Kýba boksshylaryna buıyrsa, 56 keli salmaqtyń altyny qazaq boksshysynyń qanjyǵasyna baılanǵan bolatyn. Mine, tórtinshi altyn frantsııalyqtarǵa buıyrdy.
Esterińizge sala keteıik, alda áli eki boksshymyz altynǵa talasady. Olar - 75 keli salmaqta synǵa túsetin Ábilhan Amanqul asa aýyr salmaqtaǵy boksshymyz Qamshybek Qońqabaev.
