Álem chempıonaty: Taǵy bir qazaq boksshysy jartylaı fınalda
ASTANA. QazAqparat - Germanııanyń Gambýrg qalasynda ótip jatqan bokstan álem chempıonatynda Qaırat Eralıev qarsylasyn jeńip, jartylaı fınalǵa shyqty, dep habarlaıdy QazAqparat.
Qaırat Eralıev (56 keli) shırek fınalda nemis boksshysy El-Hag Omarmen kezdesip, ony jergilikti jankúıerler aldynda jerge qaratty. Tóreshiler sheshimimen jeńis qazaq boksshysyna berildi.
Aıta keteıik, buǵan deıin 49 keli salmaq sanatynda jarys jolyna shyqqan boksshymyz Jomart Erjan eki dúrkin Eýropa chempıony, álem chempıonatynyń kúmis júldegeri reseılik Vasılıı Egorovti utqan bolatyn .
Alda taǵy 5 qazaq boksshysy jartylaı fınalǵa shyǵý úshin sharshy alańda baq synaıtyn bolady. Olar: Ábilxan Amanqul (75 keli), Vasılıı Levıt (91), Abylaıhan Júsipov (69), Qamshybek Qońqabaev (91 kg) jáne Erik Áljanov (81).
