Álem chempıonaty: Sý dobynan Qazaqstan erler quramasy Qytaıdy jeńip ketti
ASTANA. QazAqparat - Japonııada ótip jatqan sý dobynan álem chempıonatynda Qazaqstan erler quramasy Qytaıdan basym tústi, dep habarlaıdy QazAqparat tilshisi.
Álem chempıonaty 16-28 shilde aralyǵynda Japonııanyń Fýkýoka qalasynda ótip jatyr.
Bıyl on altynshy márte jalaýyn kótergen dúbirli dodada ulttyq qurama A tobynda AQSh-tan 5:18, Avstralııadan 6:22, Grekııadan 2:18 esebimen jeńilip, tórtinshi oryndy mise tutty.
Odan keıin 13-16 oryndar úshin saıysta Qytaıdy 5:12 esebimen tize búktirdi.
Endi olar 25 shildede 13-oryn úshin Argentına quramasymen kezdesedi.
El quramasyna bıyl toǵyzynshy márte qatysyp otyr. Ázirge eń joǵary jetistigi - 1998, 2015, 2017 jyldarda alǵan 11 oryn.
Sondaı-aq, sý dobynan álem chempıonatynda elimizdiń áıelder quramasy 15-oryn úshin 24 shildede Argentınamen sheberlik baıqasady.
Olar V tobynda Ispanııadan 5:24, Nıderlandtan 2:30, Izraıldan 6:17 esebimen jeńilse, jarystyń kelesi satysynda Qytaıǵa 8:16 esebimen jol berdi.
