Álem chempıonaty: Sý dobynan Qazaqstan áıelder quramasy Izraılge ese jiberdi
ASTANA. QazAqparat - Japonııada ótip jatqan sý dobynan álem chempıonatynda Qazaqstan áıelder quramasy alǵashqy kezdesýinde Izraılge ese jiberdi, dep habarlaıdy QazAqparat tilshisi.
Álem chempıonaty 16-28 shilde aralyǵynda Japonııada ótkiziledi. Dúbirli doda bıyl on altynshy márte jalaýyn kóterdi.
Qazaqstan áıelder quramasy V tobynda synǵa túsedi. Qarsylastary - Ispanııa, Izraıl jáne Nıderland.
Alǵashqy kezdesýinde el quramasy Izraılge 6:17 esebimen ese jiberdi.
Endi olar 18 shildede Nıderlandpen, 20 shildede Ispanııamen sheberlik baıqasady.
Qazaqstan áıelder quramasy bıyl onynshy márte álem chempıonatynda baq synap otyr. Ázirge eń joǵary jetistigi - 2001 jylǵy segizinshi oryn.
Sondaı-aq, dúbirli dodada elimizdiń erler quramasy A tobynda AQSh, Avstralııa, Grekııamen synǵa túsedi. Olar 17 shildede AQSh, 19 shildede Grekııa, 21 shildede Avstralııamen sheberlik baıqasady.
Aıta ketsek, Japonııada sý sporty túrlerinen álem chempıonaty ótip jatyr. Oǵan qazaqstandyq tórt sportshy qatysady.
