Álem chempıonaty: shırek fınalǵa Qazaqstan quramasynan qansha boksshy shyqty
TAShKENT. QazAqparat – Ózbekstan astanasy Tashkent qalasynda ótip jatqan álem chempıonatynyń shırek fınalyna Qazaqstan quramasynan jeti boksshy shyqty. Bul jóninen el quramasy tórtinshi orynda tur, dep habarlaıdy QazAqparat tilshisi.
Shırek fınalǵa on eki boksshysy shyqqan Kýba birinshi orynda keledi. Odan keıingi oryndardaǵy Ózbekstan - on bir, Reseı - segiz bylǵary qolǵap sheberine úmit artady.
Al, Ispanııada - alty, Frantsııa men Grýzııa - bes, Iordanııa, Tájikstan men Bolgarııa - tórt, Qyrǵyzstan, Úndistan, Brazılııa men Armenııa - úsh, Japonııa, Venesýela, Taıland, Mońǵolııa, Qytaı, Ázerbaıjan, Zambııa, Meksıka - eki, Taıvan, Shotlandııa, Aýstralııa, Horvatııa, Vengrııa, Belarýs, Kolýmbııa, Gana, Italııa, Avstrııa bir-birden úzdikterin jarysqa qosady.
Eske salsaq, 9 mamyrda el quramasynan tórt boksshy shırek fınalǵa joldama alsa, bireýi jarys jolynan shyǵyp qaldy.
