Álem chempıonaty: Reseı hokeıshileri úıge qaıtty
ASTANA. 16 mamyr. QazAqparat - Fınlıandııanyń Helsınkı qalasynda ótip jatqan Álem chempıonatynda AQSh hokkeıshileri Reseıdiń quramasyn 8:3 esebimen oısyrata utty.
Búgin atalǵan eki komandanyń arasyndaǵy shırek fınaldyq oıyn ótti. Matchtyń basynda AQSh birden eki shaıba salyp, alǵa shyqty. Birinshi kezeńde reseılik hokkeıshiler oǵan tek bir shaıbamen ǵana jaýap bere aldy. Oıynnyń keıingi kezeńderinde Reseı quramasy qansha tyrysqanymen, tarazy basyn teńestire alamady. Machtyń ortasynda eseptiń kórsetkishi 5:3 boldy. Al oıynnyń sońynda Ovechkın aıypty óteýge ketip, reseılikter az quramda qalǵanda, AQSh quramasy bir shaıba, odan keıin taǵy eki shaıbany salyp ketti. Qorytyndy esep - 8:3. Osylaısha, Reseı hokkeıshileri byltyr alǵan chempıondyq ataqtaryn qorǵaı almady.
Aıta keteıik, birinshi kezdesýde Reseı quramasy AQSh-tan 5:3 esebimen basym túsken bolatyn. Biraq osy joly aılasyn asyra almady.
