Álem chempıonaty: Reseı altynsyz qaldy
ASTANA. QazAqparat - Bokstan Germanııanyń Gambýrg qalasynda ótip jatqan álem chempıonatynda Reseı boksshylary altynsyz qaldy, dep habarlaıdy QazAqparat tilshisi.
91 keli salmaqta álem chempıonatynyń fınalyna shyqqan kýbalyq Erısland Savon men reseılik Rıo Olımpıadasynda otandasymyz Vasılıı Levıtti «utqan» Evgenıı Tışenko arasyndaǵy jekpe-jekte Erısland Savon jeńiske jetip, reseılikter eline altynsyz qaıtatyn boldy.
Osylaısha kýbalyqtar Gambýrg qalasynda ótip jatqan álem chempıonatynda 5- altyn medaldy jeńip aldy.
Osyǵan deıin sport jankúıerleri Vasılıı Levıtti fınalda Evgenıı Tışenkomen qolǵap túıistirýi múmkin dep oılaǵan. Alaıda, otandasymyz jartylaı fınalda qarsylasyna ese jiberip, qola medldy qanaǵat tutty.
Endi sońǵy jekpe-jek. Otandasymyz Qamshybek Qońqabaev ázirbaıjandyq Magomedrasýl Mejıdovpen altyn úshin aıqasqa shyǵady.
