Álem chempıonaty: Ózbekter alǵashqy «altynyna» qol jetkizdi
ASTANA. QazAqparat - Bokstan Germanııanyń Gambýrg qalasynda ótip jatqan álem chempıonatynda Ózbekstan boksshylary alǵashqy altynyna qol jetkizdi, dep habarlaıdy QazAqparat tilshisi.
Qazaqtyń «salmaǵy» atanyp ketken 69 kelide álem chempıonatynyń fınalyna shyqqan kýbalyq boksshy Ronel Iglesıas pen ózbekstandyq boksshy Shahram Ǵııasov arasyndaǵy asa tartysty ótken aıqastyń úsh raýndtyq qorytyndysy boıynsha tóreshiler Shahram Ǵııasovty jeńimpaz dep tanydy. Osylaısha ózbekter alǵashqy altynyna qol jetkizdi. Osylaısha bul salmaqtyń altyny Ózbek eline buıyrdy, kúmis júlde Kýbalyqtarda, al qolany osyǵan deıin otandasymyz Abylaıhan Júsipov jeńip alǵan bolatyn.
Esterińizge sala keteıik, alda áli eki qazaq boksshysy altyn júlde úshin judyryqtasady. Olardyń biri 75 keli salmaqta synǵa túsetin Ábilhan Amanqul men asa aýyr salmaqtaǵy boksshymyz Qamshybek Qońqabaev.
