Álem chempıonaty: Qytaılyq aýyr atletshi álemdik rekord ornatty
ASTANA. 25 qazan. QazAqparat - Qytaılyq Lý Sıaotszıýn aýyr atletıkadan álem chempıonatynda altyn medaldi enshiledi. Vrotslavta (Polsha) ótip jatqan sport dodasynda ol 2012 jylǵy Olımpıadada ózi jasaǵan rekordty jańartty.
Lý Sıaotszıýn 77 kelige deıingi salmaqta eki jattyǵýdyń nátıjesi boıynsha 380 keli (176+204) zil temirdi kóterdi. Osylaısha, Olımpıada rekordyn 1 kelige jańartty. Ekinshi oryn 359 keli (163+196) nátıjesimen KHDR ókili Kım Kvang Songýǵa tıdi. Al ózbekstandyq Ulyqbek Álimov 355 kelini (158+197) kóterip, úshinshi orynǵa turaqtady.
Aýyr atletıka boıynsha álem chempıonaty qazannyń 27 kúni aıaqtalady.
