Álem chempıonaty: Kýbalyqtar úshinshi «altyndy» jeńip aldy
ASTANA. QazAqparat - Bokstan Germanııanyń Gambýrg qalasynda ótip jatqan álem chempıonatynda kýbalyqtar úshinshi altynyna qol jetkizdi, dep habarlaıdy QazAqparat tilshisi.
Besinshi altynǵa 64 keli salmaqta Ózbekstan boksshysy Ikboljon Holdarov pen Kýbanyń bylǵary qolǵap sheberi Endı Krýs Gomes talasqan bolatyn. Qos boksshy arasyndaǵy tartysta jeńis kýbalyq boksshyǵa buıyrdy. Osylaısha «Bostandyq aralynyń» boksshylary álem chempıonatynyń úshinshi altynyn jeńip aldy.
Aıta keteıik, osyǵan deıin, 49 jáne 52 keli salmaqta da kýbalyqtar bas júldeni jeńip alǵanyn habarlaǵan bolatynbyz. Sondaı-aq, 56 keli salmaqta qazaq boksshysy Qaırat Eralıev chempıon atandy.
