Álem chempıonaty: Kýbalyqtar tórtinshi «altynyn» jeńip aldy
ASTANA. QazAqparat - Bokstan Germanııanyń Gambýrg qalasynda ótip jatqan álem chempıonatynda Kýba boksshylary tórtinshi altynyn jeńip alyp, jeke dara kósh bastady, dep habarlaıdy QazAqparat tilshisi.
81 keli salmaqta álem chempıonatynyń fınalyna shyqqan kýbalyq boksshy Hýlıo Sezar la Krýz ben Irlandııa boksshysy Djozef Ýord arasyndaǵy jekpe-jektiń bas júldesin taǵy da kýbalyq boksshy jeńip aldy. Osylaısha «Bostandyq aralynyń» boksshylary tórtinshi altynyna qol jetkizip, jalpykomandalyq esepte kósh bastady.
Jalpy bul álem birinshiliginde fınalǵa 7 kýbalyk boksshy shyqqan bolatyn. Endi 91 kelige deıingi salmaqta taǵy bir kýbalyq boksshy Erısland Savon reseılik boksshy Evgenıı Tışenkomen altyn úshin aıqasatyn bolady. Tışenko Rıo Olımpıadasynda vasılıı Levıtti «utqan» bolatyn.
Osy oraıda aıta keteıik, endi sanaýly mınýttardan keıin asa aýyr salmaqta otandasymyz Qamshybek Qońqabaev ázirbaıjandyq Magomedrasýl Mejıdovpen altyn úshin aıqasqa shyǵady.
