Álem chempıonaty: Qos boksshy qyz qarsylastaryna ese jiberdi
Qazaqstandyq Aıjan Qojabekova 57 keli salmaqta synǵa tústi. Ol búgin Gollandııa boksshysy Djemaıma Betrıanmen qolǵap túıistirdi. Jekpe-jekte tóreshiler gollandııalyq boksshynyń jeńiske jetkenin jarııalady. Aıjan budan buryn mıkronezııalyq Djenıfer Chengti tize búktirgen edi.
Taǵy bir boksshymyz Aqerke Baqytjan (75 keli) da jarystyń kelesi satysyna shyǵa alǵan joq. Ol búgin gollandııalyq taǵy bir boksshy Noýchke Fontıjnge jol berdi. Sportshymyz buǵan deıin taıpeılik Lın Lıden basym tsúken bolatyn.
Esterińizge sala ketelik, Álem chempıonatyna qazaqstandyq on boksshy bardy. Olardyń arasynan 3 qazanda Nazym Qyzaıbaı (51 keli) japon sportshysy Namıkı Tsýkımıden, Alýa Balqybekova (48 keli) ózbekstandyq Gúlasal Sýltonalıevadan jeńilip qalǵan edi.
Baǵdarlamaǵa sáıkes, 3-8 qazan aralyǵynda irikteý jekpe-jekteri ótedi. 9 qazanda sportshylar jarystyń 1/8 fınalynda synǵa túsedi. 10 qazanda - shırek fınal, 12 qazanda aqtyq kezdesýler bolady. Al 13 qazanda fınaldyq jarystar ótip, jeńimpazdar anyqtalady.