ÁLEM ChEMPIONATY: Qazaqstandyq ziltemirshi Tatıana Kapýstına altyn medal enshiledi
ASTANA. QazAqparat - Perý astanasy Lıma qalasynda ótken 18 jasqa tolmaǵan sportshylar arasyndaǵy aýyr atletıkadan álem chempıonatynda qazaqstandyq ziltemirshi Tatıana Kapýstına altyn medal enshiledi.
69 keliden joǵary salmaq sanaty boıynsha «A» tobyndaǵy qyzdar arasynda jarys aıaqtaldy. Onyń qorytyndysy boıynsha aqmolalyq ziltemirshi Tatıana Kapýctına jeńimpaz atandy. Eki jattyǵý jıyntyǵy boıynsha 243 salmaqty baǵyndyrǵan onyń nátıjesi 110 julqa kóterý+133 serpe kóterý boldy. Aıta keteıik, atalmysh dodaǵa álemniń ár túkpirinen 200-den astam sportshy qatysty, dep habarlaıdy «Aqmola Medıa Ortalyǵy».
