Álem chempıonaty: Qazaqstandyq hokkeıshiler búgin Ońtústik Koreıa quramasymen kezdesedi
ASTANA. 19 sáýir. QazAqparat - Búgin shaıbaly hokkeıden Álem chempıonaty aıasynda Qazaqstannyń quramasy Ońtústik Koreıamen kezdesedi.
Vengrııanyń Býdapesht qalasynda ótetin match Astana ýaqyty boıynsha saǵat 16:30-da bastalady. Buǵan deıin bizdiń hokkeıshiler Vengrııa quramasynan 2:1 esebimen utylǵan bolatyn. Sol sebepti aldaǵy eki oıynda Ońtústik Koreıa men Italııa komandalaryn jeńýi kerek. Sonda ǵana biz «A» dıvızıonynyń joǵary satysyna kóterilemiz. Aıta keteıik, sońǵy jeńilisten keıin Qazaqstan quramasy 6 upaımen úshinshi orynda keledi. Birinshi orynda - Italııa, al ekinshi orynda madııarlar ornalasty.
Býkmeherlerdiń boljamyna sensek, búgingi oıynda Qazaqstan hokkeıshileri Ońtústik Koreıanyń oısyrata utady. Olardyń koeffıtsentteri mynadaı: Qazaqstannyń jeńisi - 1,02, Ońtústik Koreıanyń jeńisi - 21,1. Alaıda Ońtústik Koreıa hokkeıshileriniń sońǵy oıynda Vengrııa quramasyn 5:4 esebimen utyp ketkenin umytpaý qajet.
