Álem chempıonaty: Qazaqstandyq alty boksshy 1/8 fınalǵa shyqty
ALMATY. 20 qazan. QazAqparat - Bokstan Almatyda ótip jatqan Álem chempıonatynyń jetinshi jarys kúni, ıaǵnı 20 qazanda qurama sapyndaǵy sońǵy 4 boksshymyz alǵashqy kezdesýin ótkizedi.
Olar: Berik Ábdirahmanov (60 kg), Danııar Eleýsinov (69 kg), Ádilbek Nııazymbetov (81 kg) jáne Ivan Dychko (+91 kg).
Buǵan deıingi saıysta óz baǵyn synaǵan alty boksshymyz túgel jubyn jazbaı 1/8 fınalǵa shyqqan bolatyn. Atap aıtqanda dúısenbi kúni olardyń beseýi, ıaǵnı Birjan Jaqypov (49 kg), Qaırat Eralıev (56 kg), Mereı Aqshalov (64 kg), Jánibek Álimhanuly (75 kg), Anton Pınchýk (91 kg) ózderiniń ekinshi kezdesýin ótkizetin bolady. Al seısenbi kúni Ilııas Súleımenov (52 kg) jarys kórigin qyzdyrmaq.
