Álem chempıonaty: Qazaqstan jasóspirimderi Ýkraına quramasyn oısyrata jeńdi

ASTANA. QazAqparat - Frantsııanyń Anje qalasynda 18 jasqa deıingiler arasynda hokkeıden ótip jatqan álem chempıonatynda Qazaqstan quramasy Ýkraınany iri eseppen utty, dep habarlaıdy QazAqparat tilshisi.

Qazaqstandyqtar birinshi dıvızıonnyń A tobynda tórtinshi kezdesýin ótkizdi.

Birinshi kezeńde 12-mınýtta Ádil Beısembaevtan pas alǵan Aleksandr Kım esep ashty.

Matchtyń ekinshi bóligi bastalysymen Asanáli Rýslanuly Semen Sımonovtyń pasyn múlt jibergen joq. Sodan keıin Kırıll Lıapýnov pen S.Sımonov bir-biriniń pasyn sátti paıdalanyp, esepti 4:0-ge jetkizdi.

Ekinshi kezeń sońynda Arystan Ámirhanovtyń pasynan keıin Nıkıta Sıtnıkov matchtyń núktesin qoıdy - 5:0.

Osyǵan deıin Qazaqstan jasóspirimder quramasy Majarstan men Japonııany iri eseppen jeńip, Danııaǵa jol bergen edi.

Osy básekeden keıin qazaqstandyqtar óz tobynda qaıta kósh bastady. Áıtse de Danııanyń bir oıyny kem.

Qazaqstan quramasy 29 sáýirde Frantsııamen sheberlik baıqasady. Match Astana ýaqytymen saǵat 23.30-da bastalady.

Eske sala keteıik, budan buryn Qazaqstan jasóspirimder quramasynyń álem chempıonatynda Danııaǵa ese jibergenin jazǵan bolatynbyz.