Álem chempıonaty: Erkin kúresten Edige Qasymbek kúmis medal enshiledi

ASTANA. QazAqparat - Túrkııanyń Ystanbul qalasynda kúres túrlerinen ótip jatqan 17 jasqa deıingi jasóspirimder arasyndaǵy álem chempıonatynda erkin kúresten Edige Qasymbek (110 keli) kúmis medal enshiledi, dep habarlaıdy QazAqparat tilshisi.

Bul - qazaqstandyq balýandardyń álem chempıonatyndaǵy alǵashqy júldesi.

Sondaı-aq, el quramasynan Nurmuhamed Turdaly (45 keli), Nurdáýlet Seıilbekov (71 keli) jáne Samır Dýrsýnov (92 keli) jubanysh beldesýlerinde baǵyn synaıdy.

Eske salsaq, álem chempıonatynda grek-rım, áıelder jáne erkin kúresten júldeler sarapqa salyndy.

«Ótken jyly Italııada álem chempıonatynda erkin kúres balýandary Daryn Áskerbek (ShQO) pen Kamıl Kýrýglıev (Mańǵystaý oblysy) altyn júlde alsa, grek-rım kúresinen ıÝsýp Ashrapov (Jambyl oblysy) pen Arsen Juma (Aqtóbe oblysy) qola júldeni qanjyǵaǵa baılaǵan bolatyn», - dedi Qazaqstan kúres federatsııasynyń baspasóz hatshysy spandııar Esenjolov.