Álem chempıonaty: Erkin kúresten Azamat Dáýletbekov qola júldege talasady
NUR-SULTAN. QazAqparat - Serbııa astanasy Belgrad qalasynda ótip jatqan kúres túrlerinen álem chempıonatynda búgin, 15 qyrkúıekte Azamat Dáýletbekov erkin kúresten fınalǵa joldama aldy, dep habarlaıdy QazAqparat tilshisi.
Álemdik dodada 86 keli salmaqta synǵa túsip jatqan Azamat Dáýletbekov alǵashqy beldesýinde kýbalyq ıÝrıeskı Keraltýdyń osal tusyn tapty. Odan keıin ıspanııalyq Taımýraz Naskıdaevtan basym tústi.
Jartylaı fınalda AQSh sportshysy Davıd Teılorǵa jol berip qoıdy.
Endi ol 3-oryn úshin saıysqa túsedi. Bul beldesý 16 qyrkúıekte bolady.
Azamat Dáýletbekov 1994 jyldyń 15 naýryzynda dúnıege kelgen. Buǵan deıin Azııa chempıonatynda 2022 jyly altyn alsa, 2018 jyly kúmis, 2017 jyly qola júlde aldy.
Eske salsaq, budan buryn áıelder kúresinen Jámıla Baqbergenova (72 keli) fınalǵa joldama aldy. Fınaldyq beldesý búgin ótkiziledi.
Sondaı-aq, grek-rım kúresinen Aıdos Sultanǵalı qola júldeger atandy.
Foto: olympic.kz
