Álem chempıonaty: Erkin kúresten Azamat Dáýletbekov qola júlde aldy

NUR-SULTAN. QazAqparat - Serbııa astanasy Belgrad qalasynda ótip jatqan kúres túrlerinen álem chempıonatynda Azamat Dáýletbekov erkin kúresten qola júlde aldy, dep habarlaıdy QazAqparat tilshisi.

Álemdik dodada 86 keli salmaqta synǵa túsken Azamat Dáýletbekov alǵashqy eki beldesýinde kýbalyq ıÝrıeskı Keraltý men ıspanııalyq Taımýraz Naskıdaevtan basym tústi.

Al jartylaı fınalda AQSh sportshysy Davıd Teılorǵa jol berip qoıdy.

Qazaqstandyq balýan 3-oryn úshin saıysta Pýerto-Rıko balýany Itan Ramosty jeńdi. Osylaısha álem chempıonatynda qola júldege qol sozdy.

Azamat Dáýletbekov 1994 jyldyń 15 naýryzynda dúnıege kelgen. Buǵan deıin Azııa chempıonatynda 2022 jyly altyn alsa, 2018 jyly kúmis, 2017 jyly qola júlde aldy.

Eske salsaq, áıelder kúresinen Jámıla Baqbergenova kúmis júlde aldy .

Sondaı-aq, budan buryn grek-rım kúresinen Aıdos Sultanǵalı qola júldeger atandy.