Álem chempıonaty: Erkin kúresten Azamat Dáýletbekov alǵan júldesi jóninde pikir bildirdi

NUR-SULTAN. QazAqparat - Álem chempıonatynda erkin kúresten qola alǵan Azamat Dáýletbekov atalǵan tabysy jóninde pikir bildirdi, dep habarlaıdy QazAqparat tilshisi.

Serbııa astanasy Belgrad qalasynda ótip jatqan álemdik dodada 86 keli salmaqta synǵa túsken Azamat Dáýletbekov 3-oryn úshin saıysta Pýerto-Rıko balýany Itan Ramosty jeńdi. Nátıjesinde qola júldege qol jetkizdi.

«Bul medalǵa uzaq ýaqyt boıy eńbek ettik. Kóp ýaqytty oqý-jattyǵý jıynyna jumsadyq. Sol tókken ter, etken eńbektiń jemisin kórip otyrmyz. Alda úlken dodalar bar. Sol saıystarǵa jaqsy daıyndalyp, joǵary nátıje kórsetýge kúsh salamyn. Men jartylaı fınalda amerıkalyq qarsylasyma ese jiberip qoıdym. Bul jerde fızıkalyq turǵydan qatelikke boı aldyrdym. Endigi kezekte sol baǵytta jumys jaasýym qajet. Tehnıkalyq jaǵynan qarsylastar bizden asyp bara jatqan joq. Bul máseleni de eskerýim qajet. Meni árdaıym qoldap júrgen ata-anama alǵys bildiremin. Búgingi jeńisimdi sol kisilerge arnaımyn», - dedi ol jýrnalısterge bergen suhbatynda.

Eske salsaq, budan buryn áıelder kúresinen Jámıla Baqbergenova kúmis júlde aldy .

Sondaı-aq, budan buryn grek-rım kúresinen Aıdos Sultanǵalı qola júldeger atandy.