Álem chempıonaty: Búgin sharshy alańǵa 7 boksshymyz shyǵady

NUR-SULTAN. QazAqparat – Búgin Reseıdiń Ekaterınbýrg qalasynda ótip jatqan bokstan Álem chempıonatynda sharshy alańǵa jeti qazaqstandyq shyǵady, dep habarlaıdy QazAqparat tilshisi.

9 qyrkúıek kúni alaýy tutanǵan álem birinshiliginde qazaq bylǵary qolǵap sheberleri jeńilissiz kele jatyr. Chempıonatqa Qazaqstan ulttyq quramasynan 8 salmaq dárejesi boıynsha 8 boksshymyz qatysýda. Atap aıtar bolsaq, 52 kelide Sáken Bıbosynov, 57 kelide Qaırat Eralıev, 63 kelide Zákir Safıýllın, 69 kelide Abylaıhan Júsipov, 75 kelide Tursynbaı Qulahmet, 81 keli salmaqta Bekzat Nurdáýletov, 91 kelide Vasılıı Levıt jáne asa aýyr salmaqta komanda kapıtany Qamshybek Qońqabaev el namysyn qorǵaýda.

Búgin, ıaǵnı 17 qyrkúıekte jeti salmaq dárejesi boıynsha 1/8 fınaldyq kezdesýler ótedi.

Kúndizgi sessııa (Nur-Sultan ýaqytymen 16:00-de bastalady):

A rıng

63 keli - Zákir Safıýllın - Endı Krýs (Kýba)

B rıng:

52 keli - Sáken Bıbosynov - Ýberchen Martınes (Kolýmbııa)

91 keli - Vasılıı Levıt - Marat Grıgorıan (Ýkraına)

Keshki sessııa (Nur sultan ýaqytymen 20: 00-den):

A rıng

69 keli - Abylaıhan Júsipov - Nık Syra (Germanııa)

81 keli - Bekzat Nurdáýletov - Keno Machado (Brazılııa)

+91 keli - Qamshybek Qońqabaev - Aıýb Kadfa (Ispanııa)

B rıng

57 keli - Qaırat Eralıev - Chatchaı Býtdı (Taıland).