Álem chempıonaty: Búgin qazaqstandyq 6 boksshy fınal joldamasyn sarapqa salady

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda búgin jartylaı fınaldyq jekpe-jekter ótedi, dep habarlaıdy QazAqparat tilshisi.

Qazaqstandyq alty boksshy Astana ýaqytymen saǵat 18.30-da bastalatyn keshki sessııada baq synaıdy.

Qarsylastardyń qaı-qaısysy da osal emes. Birinshi bolyp rıngke ótken jylǵy álem chempıonatynyń kúmis júldegeri Alýa Balqybekova 48 kelige deıingi salmaqta sharshy alańǵa shyǵady. Alýa jastar arasynda eki dúrkin álem chempıony, úndistandyq Nıtý Gangaspen qolǵap túıistiredi.

Karına Ibragımova (57 kg) eki dúrkin álem chempıony, taıbeılik Lın ıÝıtınnen ótýge tyrysyp kóredi.

Nadejda Rıabets (66 kg) 2019 jylǵy álem chempıonatynyń kúmis júldegeri, qytaılyq ıAn Lıýmen judyryqtasady.

Valentına Halzova (75 kg) Dostastyq oıyndarynyń eki márte júldegeri, aýstralııalyq Keıtlın Parkermen sheberlik baıqasady.

Qazaqstannyń taǵy bir úmiti Farıza Sholtaıdyń (81 kg) qarsylasy – 2018 jylǵy álem chempıony, qytaılyq Van Lın.

Asa aýyr salmaqta Lázzat Kúngeıbaeva (+81 kg) Eýropanyń eki dúrkin júldegeri, ázerbaıjandyq Aınur Rzaevamen synǵa túsedi.

Jekpe-jekterdiń bári «Qazsport» telearnasynan tikeleı efırde kórsetiledi.

Jartylaı fınalǵa shyqqan boksshylar jóninen Qytaı kósh bastap tur. Qytaılyq jeti sportshy jarysty jalǵastyrady. Qazaqstan (6) ekinshi orynda.

Eske sala keteıik, budan buryn álem chempıonatynyń jartylaı fınalyna shyqqan boksshy qyzdardyń jekpe-jek jaıynda pikir bildirgenin jazǵan bolatynbyz.