Álem chempıonaty: Azamat Dáýletbekov qola júlde aldy

Serbııa astanasy Belgrad qalasynda kúres túrlerinen ótip jatqan álem chempıonatynda erkin kúresten Azamat Dáýletbekov (86 keli) qola júldeger atandy. Oǵan qosa 2024 jylǵy Parıj Olımpıadasynyń joldamasyna ıe boldy, dep habarlaıdy QazAqparat tilshisi.

Qazaqstandyq balýan 3-oryn úshin saıysta bahreındik Magomed Sharıpovti qapy qaldyrdy.

Beldesý óte tartysty ótti. Sońǵy sekýndtarda Azamat qarsylasyna 2:3 esebimen ese jiberip turǵan edi. Ábjil qımylynyń arqasynda qarsylasyna ádis qoldanyp, jeńisti julyp áketti.

Osylaısha qarsylasynan 4:3 esebimen basym túsip, qola júldege qol sozdy. Oǵan qosa 2024 jylǵy Parıj Olımpıadasynyń joldamasyna ıe boldy

Azamat Dáýletbekov aldymen lıtvalyq Domanatas Pavlıýshenkony qapy qaldyrsa, odan keıin reseılik Arslan Bagaevtan basym tústi.

Al shırek fınalda ol frantsııalyq balýan Rahım Magamadovty 10:0 esebimen jeńip, jartylaı fınalda Devıd Teılorǵa ese jiberdi.

Azamat Dáýletbekov 1994 jyly dúnıege kelgen. Qazirge deıin 2022 jyly álem chempıonatynda qola júlde alsa, Azııa chempıonatynda 2022, 2023 jyldarda bas júldege ıe boldy.

Sondaı-aq, 17 qyrkúıekte el quramasynan Rızabek Aıtmuqan (92 keli) fınalǵa joldama aldy.

Al Meırambek Qartbaı (57 keli) jartylaı fınalda japonııalyq Reı Hıgýchıge ese jiberip qoıdy. Ol endi 3-oryn úshin synǵa túsedi.

Jarystyń alǵashqy kúninde el quramasynan Ósimjan Dastanbek (61 keli), Sanjar Dosjanov (70 keli), Nurqoja Qaıpanov (74 keli), Bolat Saqaev (79 keli) jáne ıÝsýp Batyrmýrzaev (125 keli) birinshi beldesýinde qarsylastaryna ese jiberdi.