Álem chempıonaty: Áıelder kúresinen tórt qazaqstandyq saıysqa túsedi
NUR-SULTAN. QazAqparat - Serbııa astanasy Belgrad qalasynda ótip jatqan kúres túrlerinen álem chempıonatynda búgin, 13 qyrkúıekte áıelder kúresinen tórt sportshy bozkilemge shyǵady, dep habarlaıdy QazAqparat tilshisi.
Búgin áıelder kúresinen tórt salmaqta saıystar ótedi. Álemniń túkpir-túkpirinen kelgen sportshylar 50, 53, 65, 76 keli salmaqtarda synǵa túsedi.
Olardyń qatarynda elimizdiń qurama sapynan Svetlana Ankıcheva (50 keli), Juldyz Eshımova (53 keli), Elena Shalygına (65 keli) jáne Gúlmaral Erkebaeva (76 keli) bar.
Qazaqstandyq áıelder quramasynan Juldyz Eshımova men Elena Shalygınanyń esimi jankúıerlerge jaqsy tanys.
2008 jyly álem chempıonatynda Juldyz Eshımova kúmis alsa, 2011 jyly qola júldeger atanǵan. Al Elena Shalygına 2007, 2009 jyldarda qolaǵa qol sozsa, 2010 jyly kúmis medal ıegeri atandy.
Sondaı-aq, búgin Aıdos Sultanǵalı (60 keli) 3-oryn úshin saıysqa túsedi.
Oǵan vengrııalyq Krıstıana Kechkemetı jáne amerıkandyq Ildar Hafızovtyń biri qarsylas atanýy múmkin. Naqty qarsylasy endi belgili bolady.
Al Álimhan Syzdykov (130 keli) jubanysh beldesýinde ázerbaıjandyq Sabah Saleh Sharıatımen kezdesse, odan keıin grýzııalyq ıAkob Kadjaıamen sheberlik baıqasady.
Atalǵan eki qarsylasyn jeńgen jaǵdaıda ol lıtvalyq Mantas Knıastaýspen bozkilemge shyǵady.
El quramasynan Marına Sedneva (55 keli) jubanysh beldesýinde aldymen túrkııalyq Elvıra Kamaloglýmen kezdesip, odan keıin qytaılyq Mengý Sımen tartysqa túsedi.
Sodan keıin jartylaı fınaldaǵy qarsylasy AQSh sportshysy Jakarra Gvenısha Vınchester bolmaq.
Foto: instagram.com/kazakhstan__wrestling/
