Álem chempıonaty: 28 tamyzda qazaqstandyq boksshylardan kimder aıqasady
ASTANA. QazAqparat - 28 tamyz kúni Germanııanyń Gambýrg qalasynda ótip jatqan bokstan Álem chempıonatynda ózderiniń jekpe-jekterin qazaqstandyq úsh sportshy ótkizedi, dep habarlaıdy QazAqparat.
Atap aıtqanda, 69 keli salmaq dárejesinde óner kórsetetin Abylaıhan Júsipov ıtalııalyq Vınchentso Mandjakapremen, 91 keliden astam salmaq dárejesinde Qamshybek Qońqabaev nemis Maks Kellermen, sondaı-aq 81 kelide Erik Áljanov avstralııalyq Kleı Ýotermanmen kezdesedi.
Aıta keteıik, 27 tamyz kúni Álem chempıonatynda aıqastaryn ótkizgen 4 sportshymyz - Ábilhan Amanqul (75 kelige deıin), Jomart Erjan (49 keli), Qaırat Eralıev (56 keli) pen Vasılıı Levıt (91 kelige deıin) qarsylastaryn jeńip, shırek fınalǵa ótti. 29 tamyzda Jomart reseılik Vasılıı Egorovpen, Qaırat nemis Omar El-Hagpen, Ábilhan kýbalyq Arlen Lopespen, Vasılıı avstralııalyq Djeıson Ýotelımen qolǵap túıistiredi.
Úsh sportshymyz - Azamat Isaqulov (52 keli) pen Ádilet Qurmetov (60 keli) pen Bekdáýlet Ibragımov (64 kelige deıin) týrnırdegi jarysyn aıaqtady.
25 tamyzda bastalǵan Bokstan álem chempıonaty toǵyz kúnge jalǵasyp, 2 qyrkúıek kúni márege jetedi. Qazaqstan quramasy barlyq 10 salmaq dárejesinde synǵa túsetin bolady. Olar - 49 keli salmaqta Erjan Jomart, 52 keli salmaqta Azamat Isaqulov, 56 keli salmaqta Qaırat Eralıev, 60 kelide Ádilet Qurmetov, 64 kelide Bekdáýlet Ibragımov, 69 kelide Abylaıhan Júsipov, 75 kelide Ábilhan Amanqul, 81 kelide Erik Áljanov, 91 kelide Vasılıı Levıt jáne asa aýyr salmaqta Qamshybek Qońqabaev.
Baıraqty dodada álemniń 85 elinen 280 boksshy baq synaýda.
