Álem chempıonaty-2017: Úshinshi boksshymyz da qarsylasynan basym tústi
ASTANA. QazAqparat - Germanııanyń Gambýrg qalasynda áýesqoı boksshylar arasynda ótip jatqan álem chempıonatynda úshinshi bolyp bolyp sharshy alańǵa shyqqan boksshymyz Ábilhan Amanqul da qarsylasyn basym tústi, dep habarlaıdy QazAqparat tilshisi.
75 kelide synǵa túsken Amanqul álem birinshiligindegi alǵashqy aıqasyn avstralııalyq Kempbell Somervılge qarsy ótkizip, aıqyn basymdylyqpen jeńiske jetti.
Osyǵan deıin 49 keli salmaqta Erjan Jomart gvatemalalyq qarsylasy Maıkl Tele Teleni qapy qaldyrsa, 56 kelide synǵa túsken Qaırat Eralıev meksıkalyq Krıstofer Flores Maganany jarys jolynan shyǵarǵan bolatyn.
Búgin jalpy tórt boksshymyz sharshy alańǵa shyǵady. Endi keshki sessııada 64 keli salmaqtaǵy boksshymyz Bekdáýlet Ibragımov baǵyn synaıdy. Onyń qarsylasy shrılankalyq Dýshan Saparamadý.
