Álem Chempıonaty - 2010-dy utqan Ispanııa fýtbolısterin otandastary ult batyrlary retinde qarsy aldy
ASTANA. Shildeniń 13-i. QazAqparat - Fýtboldan álem chempıony ataǵyn jeńip alǵan Ispanııa quramasyn saltanatpen qarsy alý úshin 3 mıllıonan astam adam astana kóshelerine shyqty. Jeńimpazdardy otandastary shynynda da ult batyrlary retinde qushaq jaıa qarsy alýda, dep habarlaıdy Euronews.
Ispandyq delegatsııa otyrǵan ushaq dúısenbi kúni tústen keıin eldiń «Barahas» áýejaıyna kelip qondy. Qurama fýtbolısteri men jattyqtyrýshylar shtaby týǵan jerge taban tiresimen-aq, olardy aldymen korol saraıyna alyp keldi. Munda jeńimpazdardy korol Hýan Karlos, hanshaıym Sofııa jáne basqa da korol otbasynyń músheleri qarsy aldy. Sodan keıin chempıondardy premer-mınıstr Hose Lýıs Rodrıges Sapatero qabyldady.
Premerdiń «La Monklao» rezıdentsııasynan ashyq avtobýsqa otyryp shyqqan fýtbolısterdi Madrıdtiń ortalyq kósheleri arqyly birneshe úlken ekrandar ornatylǵan «Pýente del Reı» alańyna alyp keldi. Ispanııanyń jeńimpazdar qurmetine arnaǵan saltanaty tańǵa deıin jalǵasty.
