Álem chempıonatynyń júldegeri Mılana Safronova kásipqoı boksqa aýysty
ASTANA. KAZINFORM – 2019 jylǵy álem jáne Azııa chempıonatynyń qola júldegeri Mılana Safronova kásipqoı boksqa aýysty.
Bul týraly boksshy Instagram áleýmettik jelisindegi paraqshasynda málim etti.
– Álemdik arenalarda Otanymnyń týyn joǵary kóterýdi árqashan armandadym. Bul mejege kásipqoı boksta da umtylamyn. Qazaqstannan shyqqan alǵashqy absolıýtti álem chempıony ataný – basty maqsatym. Alǵashqy jattyǵý jıynym úzdik bapkerlermen birge Taılandta ótti. Qazirgi kezde Máskeýge, meni áýesqoı boksta chempıondyqqa jetkizgen alǵashqy jattyqtyrýshym Zahar Semenovıch Rýtenbergke oraldym. Resmı túrde kásipqoı boksqa aýysamyn. Jýyrda birinshi jekpe-jegimniń merzimin jarııalaımyn. Myqty komandammen birge chempıon atanyp, elime barlyq tıtýldy ákelýge daıynmyn, - dep jazdy Safronova.
Eske sala keteıik, budan buryn bokstan Azııa chempıonatynda Qazaqstan quramasynyń neshinshi oryn alǵany belgili bolǵanyn jazǵan edik.