Álem chempıonatynyń jartylaı fınalyndaǵy oıyndar qaı telearnadan kórsetiledi
ASTANA. KAZINFORM - Fýtboldan 2026 jylǵy álem chempıonaty jartylaı fınalyndaǵy oıyndar qaı telearnadan kórsetiletini belgili boldy.
Dúbirli dodanyń bul kezeńinde Frantsııa - Ispanııa 14 shildede kezdesse, Anglııa - Argentına 15 shildede sheberlik baıqasady.
Eki oıynda da Qazaqstan ýaqytymen 00:00-de bastalyp, «Qazsport» telearnasynan tikeleı efırde kórsetiledi.
Frantsııalyq fýtbolshylar qazirge deıin alty márte júldege qol jetkizdi. Onyń ishinde 1998, 2018 jyldary álem chempıony ataǵyn jeńip alsa, 2006, 2022 jyldary kúmis, 1958, 1986 jyldary qola medal ıegeri atandy.
Al Ispanııa óz tarıhynda 2010 jyly alǵash ret jeńis tuǵyryna kóterilgen edi. Qyzyǵy, olar odan ózge birde-bir júlde alǵan emes.
Lıonel Messı bastaǵan Argentına quramasy qazirge deıin 1978,1 1986, 2022 jyldary álem chempıony atansa, 1930, 1990, 2014 jyldary kúmis júldeger boldy.
Sondaı-aq Anglııa quramasy 1966 jyly álem chempıony atanǵanymen oǵan deıin jáne odan keıin birde-bir márte júldege qol jetkize alǵan joq.
