Álem chempıonatynda qazaqstandyq dzıýdoshylar qaı kúni saıysqa túsedi

ASTANA. KAZINFORM — Majarstan astanasy Býdapeshtte ótetin dzıýdodan Álem chempıonatynda Qazaqstan quramasynyń balýandary qaı kúnderi synǵa túsetini belgili boldy.

Jarystyń alǵashqy kúni, 13 maýsymda el quramasynan Ábıba Ábýjaqynva (48 keli), Ǵalııa tynbaeva (48 keli), sherzad Davletov (60 keli), Maǵjan Shamshadın (60 keli) tatamıge shyǵady. 
Al 14 maýsymda Ǵusman Qyrǵyzbaev (66 keli) el namysyn qorǵasa, 15 maýsymda Eset Qýanov (72 keli), 16 maýsymda Esmıgúl Kýıýlova (63 keli), Abylaıhan Jubanazar (81 keli), 17 maýsymda Meıirlan Maksım (90 keli) saıysqa túsedi.

Sondaı-aq 18 maýsymda Nurlyhan Sharhan (10 keli) jáne Marat Baıkamýrov (10 keli), 19 maýsymda Erasyl Qajybaev (100 keliden joǵary) júldeni sarapqa salady.

Dzıýdodan álem chempıonaty 13-20 maýsym aralyǵynda ótedi. Qazaqstan sapynan eldiń úzdik 12 dzıýdoshysy baq synaıdy.

Dúbirli dodada 92 elden kelgen 566 sportshy 14 salmaqta júldege talasady.