Álem chempıonatynda qazaqstandyq alty boksshy jartylaı fınalǵa shyqty

ASTANA. KAZINFORM — Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda el quramasynan Abylaıhan Júsipov (71 keli) jartylaı fınalǵa joldama aldy.

Otandasymyz shırek fınalda ázerbaıjandyq Sarhan Alıevpen qolǵap túıistirdi. Jekpe-jek barysynda ol belsendilik kórsetti. qarsylasyna kóbirek soqqy jumsap, upaı qoryn molaıtty. Nátıjesinde tóreshilerdiń basym daýysymen jekpe-jek qazaqstandyq boksshynyń paıdasyna aıaqtaldy.

Aıta ketsek, budan buryn qazaqstandyq Temirtas Júsipov (48 keli), Sáken Bıbosynov (54 keli), Orazbek Asylqulov (57 keli), Ertýǵan Zeınýllınov (63,5 keli), Sabyrjan Aqqalyqov (75 keli) jartylaı fınalǵa shyqty.

Al Danııal Sábıt (51 keli), Serik Temirjanov (60 keli), Sanatáli Tóltaev (67 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli), Nurlan Saparbaı (92 keliden joǵary) shırek fınalda súrindi.

IBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen, al júlde qory óte joǵary: chempıondar — 300 myń dollar, kúmis júldegerler — 150 myń dollar, qola júldegerler — 75 myń dollar, al shırek fınalıster 10 myń dollar alady.