Álem chempıonatynda Qazaqstan gandbol quramasy Brazılııadan da jeńilip qaldy

Búgin gandboldan áıelder quramalary arasyndaǵy álem chempıonatynda Qazaqstan quramasy Brazılııamen kezdesti, dep habarlaıdy Kazinform.

Qazaqstandyq gandbolshylar G tobynda synǵa túsedi. Qarsylastary — Brazılııa, Ispanııa men Ýkraına.

Kezdesý barysynda brazılııalyq gandbolshylar jınaqy qımyl kórsetti.

Nátıjesinde birinshi kezeńde olar 25:5 esebimen jeńdi.

Ekinshi kezeńde de sol qarqynda oıyn kórsetti. Bul kezeńde brazılııalyqtar 11:21 esebimen basym tústi.

Kezdesýde Qazaqstan quramasy qarsylasyna 16:46 esebimen ese jiberdi.

Endi el quramasy 3 jeltoqsanda Ýkraınamen kezdesedi.

Eske salsaq, budan buryn qazaqstandyq gandbolshylar qarsylasynan 17:34 esebimen jeńilip qalǵan edi. 

Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi — 2007 jylǵy 18 oryn.

Aıta ketsek, álem chempıonaty 1957 jyldan beri turaqty túrde ótkizilip keledi. Qazirge deıin barlyǵy 14 qurama jeńimpaz tuǵyryna kóterildi.