Álem chempıonatynda eki boksshy jartylaı fınalǵa shyqty

ASTANA. KAZINFORM - Chernogorııanyń Býdva qalasynda ótip jatqan bokstan jastar arasyndaǵy álem chempıonatynda eń jeńil salmaqtaǵy Ánel Abdrasılova men Arýjan Jańabaev jartylaı fınalǵa ótti.

Ánel Abdrasılova shırek fınalda Venesýela sportshysyn 5:0 esebimen jeńdi. Endi ol 31 qazanda ótetin jartylaı fınaldyq kezdesýde meksıkalyq Pıtszaro Amparanmen qolǵap túıistiredi. 

Sondaı-aq el quramasynan Arýjan Jańabaeva (63 keli) Polsha ókilinen 5:0 esebimen basym tústi. Ol jartylaı fınaldyq básekede Irlandııa men Ózbekstan boksshylary jubynyń jeńimpazymen kezdesedi. 

Aıta ketsek, endi el quramasynan qyzdardan shırek fınalda Elıanýr Turǵanova (50 keli), Baǵjan Otynbaı (52 keli), Tolǵanaı Qasymhan (60 keli), Uldana Taýbaı (66 keli), Marııa Sıdorenko (70 keli), Shuǵyla Nálibaı (75 keli), Arýjan Zeınollaeva (81 keli), Panar Seıithanqyzy (81 keliden joǵary) sharshy alańǵa shyǵady. 

Álem chempıonaty 3 qarashada máresine jetedi. 

Eske salsaq, budan buryn áıelder kúresinen Jámıla Baqbergenova álem chempıonatynda jartylaı fınalǵa shyqty.