Álem chempıonatynda Danııal Sábıt zambııalyq boksshyǵa ese jiberdi

ASTANA. KAZINFORM — Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda el quramasynan Danııal Sábıt (51 keli) qarsylasyna ese jiberdi.

Qazaqstandyq bylǵary qolǵap sheberi bul joly zambııalyq Patrık Chınembamen kezdesti. Alǵashqy jáne úshinshi raýnd afrıkalyq boksshynyń basymdyǵymen aıaqtalsa, ekinshi raýndta Danııal 3:2 esebimen jeńgen edi. Saldarynan ol qarsylasyna ese jiberip, jarys jolynan shyǵyp qaldy. 

Endi el quramasynan Orazbek Asylqulov (57 keli), Ertýǵan Zeınýllınov (63,5 keli), Abylaıhan Júsipov (71 keli) sharshy alańǵa shyǵady.

Eske salsaq, budan buryn qazaqstandyq Temirtas Júsipov (48 keli), Sáken Bıbosynov, Sabyrjan Aqqalyqov (75 keli) jartylaı fınalǵa shyqty.

Al Serik Temirjanov (60 keli), Sanatáli Tóltaev (67 keli), Nurlan Saparbaı (92 keliden joǵary) shırek fınalda súrindi.

Aıta ketsek, 9 jeltoqsanda álem chempıonaty 1/8 fınalynda Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli) qarsylastaryna ese jiberdi.

IBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen, al júlde qory óte joǵary: chempıondar — 300 myń dollar, kúmis júldegerler — 150 myń dollar, qola júldegerler — 75 myń dollar, al shırek fınalıster 10 myń dollar alady.