Álem chempıonatynda 5 qyrkúıekte 2 qazaqstandyq boksshy synǵa túsedi

ASTANA. KAZINFORM - World Boxing aıasynda Anglııanyń Lıverpýl qalasynda ótetin álem chempıonatynynda búgin, 5 qyrkúıekte Qazaqstan quramasynan eki boksshy sharshy alańǵa shyǵady.

Dúbirdi dodada el quramasynan Karına Ibragımova (57 keli) grekııalyq Panagıta Kýzılýmen qolǵap túıistiredi. 

Karına 2023 jyly álem chempıonatynda kúmis, 2018, 2022 jyldary qola júldeger atansa, 2022 jyly Azııa chempıony boldy.

Sondaı-aq el quramasynan Aıda Ábikeeva (65 keli) vengrııalyq Anna Lýtsa Hamorımen qolǵap túıistiredi. 

Ol budan buryn Serbııanyń Nısh qalasynda álem chempıony ataǵyn jeńip alǵan edi.

Elimizdiń áıelder quramasynan Elına Bazarova (54 keli) alǵashqy jekpe-jeginde ózbekstandyq Nıgına Ýktamovaǵa ese jiberip, jarys jolynan shyǵyp qaldy.

Aldaǵy álem chempıonatynda elimizdiń atynan atalǵan úsh boksshydan ózge Nazym Qyzaıbaı (48 keli), Alýa Balqybekova (51 keli),Vıktorııa Grafeeva (60 keli), Natalıa Bogdanova (70 keli), Nadejda Rıabets (75 keli), Gúlsaıa Erjan (80 keli) jáne Eldana Talıpova (80 keliden joǵary) synǵa túsedi.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.