Álem chempıonatyna qaı elden qansha boksshy shyqty

ASTANA. KAZINFORM — Serbııanyń Nısh qalasynda ótip jatqan áıelder arasyndaǵy álem chempıonaty fınalyna shyqqan boksshylar sany jóninen Qazaqstan kósh bastap tur.

Erteń, 16 naýryzda elimizden fınalda Nazym Qyzaıbaı (48 keli), Alýa Balqybekova (50 keli), Vıktorııa Grafeeva (60 keli), Aıda Ábikeeva (63 keli) jáne Eldana Tálipova (81 keliden joǵary) sharshy alańǵa shyǵady.

Bes bylǵary qolǵap sheberi altynǵa talasatyn Qazaqstan quramasy fınalǵa shyqqan sportshylar sany jóninen Reseımen alǵashqy eki oryndy ózara bólisip tur.

Úshinshi oryndaǵy Túrkııanyń úsh boksshysy fınalda saıysqa tússe, Qytaı, Taıland jáne Irlandııa — 2, Marokko, Soltústik Koreıa, Serbııa jáne Ózbekstan — 1 sportshysyna senim artady.

Álem chempıonatyna el quramasynda 12 boksshy atttanǵan edi. Olardyń arasynan jarystyń túrli satysynda Anıta Adısheva (52 keli), Jaına Shekerbekova (54 keli), Karına Ibragımova (57 keli), Jasmın Qızatova (66 keli), Natalıa Bogdanova (70 keli), Nadejda Rıabets (75 keli), Gúlsaıa Erjan (81 keli) qarsylastaryna ese jiberip qoıdy.

Budan buryn Aleksandr Býblık AQSh-taǵy jarystyń jartylaı fınalyna joldama alǵanyn jazǵan edik.