Jańa tsıfrlyq platforma arqyly bolashaq muǵalimder tańdalady

ASTANA. KAZINFORM — «Keleshek mektepterine» jas pedagogterdi irikteýge arnalǵan tsıfrlyq platforma iske qosyldy, dep habarlaıdy Oqý-aǵartý mınıstrligi.

Oqý-aǵartý mınıstrliginiń «Órleý» biliktilikti arttyrý ulttyq ortalyǵy ulttyq joba aıasynda salynǵan «Keleshek mektepteri» jańa formattaǵy mektepterge jas mamandardy jyldam ári tıimdi irikteýge arnalǵan quraly — career.orleu.edu.kz tsıfrlyq platformasyn iske qosty.

— Platformada «Órleý» ortalyǵynyń testileýinen sátti ótken pedagogıkalyq JOO túlekteriniń elektrondyq portfolıolary qamtylǵan. 600-ge jýyq jas pedagog irikteýden ótti. Servıste jas pedagogterdiń bilimi, mamandyǵy men tájirıbesine qatysty málimetter jınaqtalyp, elektrondy portfolıo qalyptastyrylady, — dep túsindirdi vedomstvo.

Qazirgi tańda platforma tek «Keleshek mektepteri» dırektorlary úshin qoljetimdi. Olar kandıdattardy óńiri, páni, biliktiligi boıynsha tıimdi tańdaı alady. Júıe memlekettik derekqorlarmen kiriktirilgen, bul — málimetterdiń dáldigi men ózektiligin qamtamasyz etedi.

Platformanyń negizgi múmkindikteri:

• jas pedagog týraly tolyq elektrondy karta;

• dırektorlar úshin qaýipsiz kirý júıesi (ETsQ arqyly);

• smart súzgi: naqty pán, óńir jáne mamandyǵy boıynsha izdeý;

• jumysqa ornalasqan túlekterdi avtomatty túrde esepke alý.

Osyǵan deıin pedagogterge arnalǵan respýblıkalyq baıqaý bastalatynyn habarladyq.