Álem chempıonatyna baratyn qazaqstandyq dzıýdoshylar belgili boldy

ASTANA. KAZINFORM - Dzıýdodan 19-24 mamyrda Birikken Arab Ámirliginiń Abý-Dabı qalasynda ótetin álem chempıonatyna qatysatyn Qazaqstan erler quramasy belgili boldy.

Erler quramasy álemdik dodaǵa tolyq quramda qatysady.

Jahandyq jarysta Nurqanat Serikbaev, Eldos Smetov (60 keli), Ǵusman Qyrǵyzbaev, Janarys Rahmetqalı (66 keli), Danııar Shamshaev, Baqytjan Ábdirahmanov (73 keli), Abylaıhan Jubanazar (81 keli), Nurlyhan Sharhan (100 keli), Erasyl Qajybaev (100 keliden joǵary) el namysyn qorǵaıdy.

Al aralas komandalyq jarysta Darhan Qoıbaǵar (73 keli) men Aıdar Arapov (90 keli) baq synaıdy.

Erler quramasynyń bas bapkeri Nurbol Súleımenovtiń aıtýynsha, úsh salmaqta qazaqstandyq eki balýannan qatysady. Sondyqtan 90 kelige deıingi salmaqtaǵy sportshylar tek aralas komandalyq jarysqa qatysady.

Álem chempıonatyna qatysý úshin dzıýdoshylar Olımpıadalyq reıtıngte alǵashqy júzdiktiń ishinde bolýy tıis.

Eske salsaq, budan buryn álem chempıonatyna qatysatyn Qazaqstan áıelder quramasy belgili boldy.