Álem chempıonaty: Tórehan Sabyrhan frantsııalyq Makan Traoreden basym tústi

ASTANA. KAZINFORM – Otandasymyz álem chempıonatynyń shırek fınalynda Frantsııa ókili Makan Traoremen qolǵap túıistirdi. 

Úsh raýnd qorytyndysy boıynsha tóreshiler Tórehandy úzdik dep sanady. Osylaısha ol aǵasy Mahmudtyń jeńisti jolyn jalǵap, jartylaı fınalǵa shyqty. 

Anglııanyń Lıverpýl qalasynda ótip jatqan dúbirli doda 14 qyrkúıekke deıin jalǵasady. Sporttyq báseke «Qazaqstan» jáne «Qazsport» telearnalarynan tikeleı efırde kórsetiledi.

Eske sala keteıik, Anglııanyń Lıverpýl qalasynda ótip jatqan álem chempıonatynda búgin Qazaqstan quramasynan 13 boksshy sharshy alańǵa shyǵatynyn jazǵan edik.

Sondaı-aq buǵan deıin Vıktorııa Grafeeva men Eldana Tálipovanyń jartylaı fınalǵa ótkenin habarlaǵan bolatynbyz.