Álem chempıonaty: Shaıbaly hokkeıden Qazaqstan jastar quramasy Vengrııadan basym tústi

Shaıbaly hokkeıden 20 jasqa deıingi Qazaqstan jastar quramasy álem chempıonatyndaǵy alǵashqy oıynynda Vengrııadan basym tústi, dep habarlaıdy Kazinform.

Álem chempıonaty birinshi dıvızıonynda synǵa túsip jatqan qazaqstandyq hokkeıshiler vengrııalyq qarsylastaryn 5:2 esebimen tize búktirdi.

Olardyń qatarynan Dáýlet Núrkenov, Egor Smolıanınov, Artem Avdeenko bir márte mergendik tanytsa, Vsevolod Logvın eki shaıbany avtory atandy.

Vengrııa - Qazaqstan - 2:5 (1:2, 1:0, 0:3)
0:1 – 03:36 - Núrkenov (Orazov, Kım)
0:2 – 12:14 - Smolıanınov (Ermak, Ospanov)
1:2 – 13:26 - Mıhalık (Dobosh)
2:2 – 38:16 - Dobosh (Hızl, Baıko)
2:3 - 48:47 - Avdeenko (Núrkenov)
2:4 – 52:40 - Logvın (Han, Ermak)
2:5 – 57:13 - Logvın
Qaqpashylar: Hegedıýsh - Nıkıtın

Endi qazaqstandyq hokkeıshiler erteń Astana ýaqytymen 21:00-de Danııamen oınaıdy.

Qazaqstan jastar quramasy elıtalyq dıvızıonda segiz márte baq synady. Joǵary jetistigi – 1999 jyly alǵan altynshy oryn.

Eske salsaq, budan buryn qazaqstandyq jastar joldastyq kezdesýde Vengrııa jáne Frantsııa quramalarynan basym tústi.