Álem chempıonaty: Shaǵyn fýtboldan Qazaqstan áýesqoı quramasy jartylaı fınalǵa shyqty
Shaǵyn fýtboldan Qazaqstan quramasy Birikken Arab ámirliginiń Ras-el-Haım qalasynda ótip jatqan álem chempıonatynda jartylaı fınalǵa shyqty, dep habarlaıdy Kazinform.
Álem chempıonatyna áýesqoı sportshylar qatysa alady.
Shırek fınalda qazaqstandyqtar Chehııamen sheberlik baıqasty. Oıynnyń 6-mınýtynda el quramasynan Aleksandr Kıslıtsyn esep ashsa, odan keıin chehııalyqtar qatarynan úsh gol soǵyp ketti.
Ekinshi kezeńniń sońyna taman qazaqstandyqtar qatarynan Baktııar Jýshnov (40-mınýt) jáne Aslanbek Arshkenov (41-mınýt) mergendik tanytyp, tarazy basy teńesti.
Oıynnyń negizgi kezeńi men overtaım 3:3 esebimen teń aıaqtaldy. Al penaltı tebýde qazaqstandyqtar (3:2) jarysty jalǵastyrýǵa múmkindik aldy.
El quramasy A tobynda synǵa tústi. Bul kezeńde Ganany 7:0, Úndistandy 16:0, Birikken Arab ámirligin 2:1 esebimen jeńdi.
Odan keıin jarys satysynda Meksıka, Chehııany qapy qaldyrdy.
Osylaısha Qazaqstan quramasy jartylaı fınalǵa shyqty. Qarsylasy Ázerbaıjan jáne Bolgarııa jubynyń jeńimpazy bolady.
