Álem chempıonaty: Shaǵyn fýtboldan Qazaqstan áýesqoı quramasy tuńǵysh ret fınalǵa shyqty

Shaǵyn fýtboldan Qazaqstan quramasy Birikken Arab ámirliginiń Ras-el-Haım qalasynda ótip jatqan álem chempıonatynda fınalǵa shyqty, dep habarlaıdy Kazinform.

Álem chempıonatyna áýesqoı sportshylar qatysa alady.

Jartylaı fınalda qazaqstandyq sportshylar Ázerbaıjanmen sheberlik baıqasty.

Kezdesý barysynda ázerbaıjandyq fýtbolshylar qatarynan 19-mınýtta Eshgın Tagıev esep ashty. Odan keıin qazaqstandyqtar qatarynan úsh gol soǵyp ketti. Bul goldar Nursultan Júsipov (30-mınýt), Jánibek Seıitjan (41), Oralbek Egizbaev (45) enshisine jazyldy.

El quramasy A tobynda synǵa tústi. Bul kezeńde Ganany 7:0, Úndistandy 16:0, Birikken Arab ámirligin 2:1 esebimen jeńdi.

Odan keıin jarys satysynda Meksıka, Chehııany qapy qaldyrdy.

Osylaısha Qazaqstan quramasy óz tarıhynda tuńǵysh márte fınalǵa joldama aldy. Aldaǵy qarsylasy - Rýmynııa.

Aıta ketsek, buǵan deıin el quramasy 2015, 2017 jyldarda 11-oryn alǵan edi.