Álem chempıonaty: Shaǵyn fýtboldan Qazaqstan áýesqoı quramasy kúmis júldeger boldy

Shaǵyn fýtboldan Qazaqstan quramasy Birikken Arab ámirliginiń Ras-el-Haım qalasynda ótip jatqan álem chempıonatynda kúmis medal aldy, dep habarlaıdy Kazinform.

Álem chempıonatyna áýesqoı sportshylar qatysa alady.

Qazaqstandyq qurama fınalda Rýmynııamen sheberlik baıqasty.

Oıynnyń negizgi kezeńi 2:2 esebimen teń aıaqtaldy.

Kezdesý barysynda qazaqstandyqtar basym turǵan edi. Oıyn aıaqtalar tusta rýmynııalyq fýtbolshylar tarazy basyn teńestirip ketti.

Penaltı tebýde el quramasy qarsylasyna 11:12 esebimen ese jiberip qoıdy.

Osylaısha olar álem chempıonatynda kúmis júldeger atandy.

El quramasy A tobynda synǵa tústi.

Bul kezeńde Ganany 7:0, Úndistandy 16:0, Birikken Arab ámirligin 2:1 esebimen jeńdi.

Odan keıin jarys satysynda Meksıka (0:0, 2:1 - penaltıden), Chehııany (3:3, 3:2 - penaltıden), Ázerbaıjandy (3:2) qapy qaldyrdy.

Aıta ketsek, buǵan deıin el quramasy 2015, 2017 jyldarda 11-oryn alǵan edi.