Álem chempıonaty: paradzıýdoshy Aıala Mereke jartylaı fınalǵa shyqty

ASTANA. KAZINFORM - Astanada ótip jatqan paradzıýdodan álem chempıonatynyń ekinshi jarys kúni, 14 mamyrda Aıala Mereke (70 keli) jartylaı fınalǵa shyqty.

J2 sanaty boıynsha Aıala Mereke shırek fınalda London Paralımpıadasynyń qola júldegeri Dýıgý Cheteni (Túrkııa) ıýko ádisimen jeńdi.

Sondaı-aq J1 sanaty boıynsha Erlan Ótepov (95 keliden joǵary) 1/4 fınalda qarsylasy Erdenebıleg Lhagvadorjdy (Mońǵolııa) jeńýge 27 sekýnd qana jumsap, jartylaı fınalǵa ótti.

Eske salsaq, álem chempıonatynda 13 mamyrda otandastarymyz 1 altyn, 1 kúmis jáne 3 qola júlde enshiledi.

J2 sanatynan Beksultan Qulmyrza (81 keli) altyn alsa, Ǵalymjan Smaǵululy (81 keli) kúmis júldege qol jetkizdi.

Atalǵan sanat boıynsha Erǵalı Shameı (81 keli), Aınaz Quralova (46 keli) qola júldeger boldy.

Sondaı-aq J2 sanaty boıynsha Daıana Fedosova (60 keli) úzdik úshtikten kórindi.

Jahandyq dodada 10 salmaqta júlde jıyntyǵy sarapqa salynady. Erler 70, 81, 95, 95 keliden joǵary salmaqta beldesse, áıelder 52, 60, 70, 70 keliden joǵary salmaqta júldege talasady.

Sondaı-aq, Halyqaralyq dzıýdo federatsııasy tájirıbe retinde Olımpıada salmaǵyna kirmeıtin 2 salmaqta (erlerde 64, áıelderde 46 keli) júlde sarapqa salynady.

Jarystyń ótýine Halyqaralyq zaǵıptar sport federatsııasy (IBSA) qoldaý bildirdi. Onda 2028 jyly AQSh-tyń Los-Andjeles qalasynda ótetin Paralımpıadaǵa mańyzdy reıtıngtik upaılar sarapqa salynady.