Álem chempıonaty: Nurbek Oralbaı ýkraınalyq boksshy Matveı Rajbany jeńdi
ASTANA. KAZINFORM – Lıverpýldegi álem chempıonatyndaǵy taǵy bir qazaqstandyq boksshy 1/8 fınalǵa joldama aldy.
80 keli salmaq dárejesinde synǵa túsken Nurbek Oralbaı atalǵan dodanyń 1/16 fınalynda ýkraınalyq boksshy Matveı Rajbamen qolǵap túıistirdi. Otandasymyzdyń aıqyn basymdylyǵymen ótken jekpe-jek 5:0 esebimen aıaqtaldy.
Munyń aldynda Mahmud Sabyrhan qarsylasy meksıkalyq Brıan Oýen Ortızdi qapy qaldyrǵan bolatyn.
Eske sala keteıik, buǵan deıin qazaqstandyq boksshy Nadejda Rıabetstiń álem chempıonatynyń 1/8 fınalynda jeńilip qalǵanyn, esesine Vıktorııa Grafeevanyń alǵashqy jekpe-jeginde jeńiske jetkenin jazǵan edik.
Al erler arasynda Tórehan Sabyrhan men Beıbarys Jeksen Lıverpýlde (Ulybrıtanııa) ótip jatqan eresekter arasyndaǵy álem birinshiligin jeńispen bastady.
