Álem chempıonaty: Nazym Qyzaıbaı jarysty jalǵastyrady

ASTANA. KAZINFORM — Búgin, 12 naýryzda Serbııanyń Nısh qalasynda ótip jatqan áıelder arasyndaǵy álem chempıonatynda Nazym Qyzaıbaı (48 keli) jarysty jalǵastyrady.

Назым Қызайбай Олимпиададағы алғашқы жекпе-жегінде жеңіске жетті
Фото: Сали Сабыров

Ol búgin 1/8 fınalda Slovakııa boksshysy Nıkol Dýrıkovamen kezdesip, esh qıyndyqsyz kelesi aınalymǵa ótti. Úshinshi raýndta qarsylasyn 3 márte nokdaýnǵa jiberdi. Jekpe-jektiń aıaqtalýyna 30 sekýnd qalǵanda merziminen buryn jeńise jetti.

Endi el quramasynan kúndizgi sessııada Karına Ibragımova (57 keli) kolýmbııalyq Valerııa Arboleda, Nadejda Rıabets (75 keli) Serra-Leone ókili Koromamen sharshy alańǵa shyǵady.

Al Natalıa Bogdanova (70 keli) keshki sessııada ıspanııalyq Mas Martınezben qolǵap túıistiredi.

Aıta ketsek, budan buryn Alýa Balqybekova (50 keli), Jaına Shekerbekova (54 keli), Vıktorııa Grafeeva (60 keli), Aıda Ábikeeva (63 keli), Jasmın Qızatova (66 keli) ¼ fınalǵa joldama aldy.

Sondaı-aq alǵashqy jekpe-jeginde ózbekstandyq Oltınoı Sotımboevany tize búktirgen Eldana Tálipova (81 keliden joǵary) endi 13 naýryz kúni serbııalyq Sara Mılkovıchpen kezdesedi.

Buǵan deıin 12 naýryz kúni bokstan el quramasynan kimder synǵa túsetinin jazdyq.

Сейчас читают