Álem chempıonaty: Natalıa Bogdanova úndistandyq boksshyny jeńip, shırek fınalǵa ótti
ASTANA. KAZINFORM - Qazaqstan áıelder quramasynyń ókili Natalıa Bogdanova Lıverpýlde (Ulybrıtanııa) ótip jatqan álem chempıonatyn jeńispen bastady.
Otandasymyz 70 kelige deıingi salmaqtyń 1/8 fınalynda sátti óner kórsetti. Natalıa Bogdanova bul kezeńde úndistandyq Sanamacha Choksommen qolǵap túıistirdi.
QR UOK málimetinshe, jerlesimiz qarsylasyn alǵashqy raýndtan-aq qyspaqqa alyp, nokdaýnǵa jiberdi. Jekpe-jektiń sońyna deıin basymdyǵyn saqtap qalǵan qazaqstandyq bylǵary qolǵap sheberi 5:0 esebimen jeńiske jetip, shırek fınalǵa joldama aldy.
Boks federatsııasy málimetinshe, álem chempıonatynyń 1/4 fınaly aıasyndaǵy jekpe-jek Sema Chalyshkanmen 9 qyrkúıekke josparlanǵan.
Aıta keteıik, Lıverpýl qalasynda World Boxing aıasynda ótip jatqan álem chempıonatynda búgin, 7 qyrkúıekte el quramasynan Karına Ibragımova (57 keli) jarysty jalǵastyrýǵa múmkindik aldy.
Nurbek Oralbaı ýkraınalyq boksshy Matveı Rajbany jeńdi.
Mahmud Sabyrhan Lıverpýldegi álem chempıonatyn jeńispen bastady.
Bokstan álem chempıonatynda 7 qyrkúıekte Qazaqstan quramasynan kimder shyǵatynyn jazdyq.